សកម្ម​ជន​ដី​ធ្លីភូមិ​ពោធិទាប ២នាក់ត្រូវ​កោះ​ហៅ​ទៅ​សាក​សួរ​ថ្ងៃ​នេះ

[slideshow_deploy id=’451′]

នៅ​រសៀល​ថ្ងៃ​ទី 27 មករា 2015 នេះ សាលាដំបូង​ខេត្ត​ព្រះវិហារ​ បានបើក​សាក​សួរ​ក្ដី​លោក សន វុទ្ធី និង អ្នក​ស្រី លឹម សុឃីម រួម​ទាំង​កូន​ស្រី​អាយុ 8ខែ ដែល​ត្រូវ​បាន​ចាប់​ដាក់​ពន្ធនាគារ​ខេត្ត តាំង​ពី​ថ្ងៃ​ទី​13 ខែ​មករា ឆ្នាំ2015 ដោយ​ចោទ​ថា​បាន​រស់​នៅ​លើ​ដី​រដ្ឋ​ខុស​ច្បាប់​និង​បាន​និយាយ​បក​អាក្រាត​មន្ត្រី​ពុក​រលួយ និង​អជ្ញាធរ នៅភូមិ​ពោ​ធិទាប ឃុំ​ម្លូ​ព្រៃ​មួយ ស្រុក​ឆែប ខេត្ត​ព្រះវិហារ។

លោក​មេធាវី មឿង សុវណ្ណ កំពុង​ស្ថិត​នៅ​ក្នុង​សវនាការ បាន​ស្នើសុំ​អោយតុលាការ អោយ​ប្រពន្ធ​ហើយ​និង​កូន​​នៅ​ក្រៅ​ឃុំ ដោយ​ហេតុ​ប្រពន្ធ​មាន​ជំងឺ ហើយ​លោក​មឿង ​សុវណ្ណ​ បាន​សុំអោយ​អង្គការ​ Adhoc ខេត្ត​ព្រះវិហារ​ជួយ​​រត់​លិខិត​ស្នើ​សុំ ចំនែក​ឯ​ប្ដី​ សាដំបូង​ខេត្ត​​កំពុង​សាកសួរ​រក​ភស្ដុតាង​ដើម្បី​ដាក់​បន្ទុក​បន្ថែម។

​ជាលទ្ធផល​រហូត​មក​ដល់​ ម៉ោង 5 ល្ងាច​នេះ​​មិនទាន់​ទទួល​បានចំលើ​យ​ពី​តុលាការ​ខេត្ត​ព្រះវិហារ​នៅលើយ​ទេ។

Share to let the other know the story too ចែក​រំលែក​ពត៌មាន​
Share

ពន្លកខ្មែរ និង អាដហុក ចុះពិនិត្យ តំបន់ប៉ះពាល់ដោយផ្ទាល់

នៅថ្ងៃទី22 ខែមករា ឆ្នាំ2015 លោក អាង ជាតិឡោម នាយកប្រតិបត្តិអង្គការពន្លកខ្មែរ និង លោក ឡោ ចាន់ ប្រធានសមាគមន៍អាដហុកប្រចាំខេត្តព្រះវិហារ បានចុះទៅ ពិនិត្យដីប៉ះពាល់ នៅ ឃុំរួសរាន់ ស្រុករវៀង ខេត្តព្រះវិហារ និងសំភាសជាមួយ ប្រជាពលរដ្ឋ និងតំណាងក្រុមហ៊ុនចិនតៃវ៉ាន់ ដែលមានឈ្មោះថា ភី អ៊ិន ធី P.N.T co.Ltd។

តំណាងប្រជាពលរដ្ឋលោក វង្ស សុខេងលី អាយុ 48ឆ្នាំ ជាកសិករ ដែលមានដីស្រែនៅតំបន់នោះបានអោយដឹងថា នៅព្រឹកម៉ោងប្រហែល 7:00 ថ្ងៃទី25 ខែ11 ឆ្នាំ 2014 ក្រុមហ៊ុន P.N.T ដែលមានស្នាក់ការនៅតំបន់មាត់ស្ទឹង ស្ថិតនៅភូមិឬស្សីស្រុក ឃុំរួសរាន់ ស្រុករវៀង បានធ្វើការ ឈូសឆាយ ដីស្រែចំការ ប្រជាពលរដ្ឋចំនួន 8 គ្រួសារ ដែលមានទំហំដីចំនួនប្រហែល 5 ហិចតា កន្លះ។

ឯអ្នកស្រី ជុំ បុណ្ណា អាយុ52 ឆ្នាំ ជាកសិករ នៅតំបន់នោះដែរ បានអោយដឹងថា អ្នកស្រីបានកាន់កាប់ដីស្រែដីចំការនោះ តាំងពីកំឡុងឆ្នាំ 1979 មកម្លេះ ហើយនៅខែវិច្ឆការ ឆ្នាំ2014 ស្រាប់តែក្រុមហ៊ុន P.N.T ធ្វើការឈូសឆាយដីស្រែចំការរបស់ពួកគាត់ ដែលនឹងកំពុងអាស្រ័យផល ដោយមិនបានដឹងជាមុន។

ចំណែកឯតំណាងក្រុមហ៊ុន P.N.T វិញបាននិយាយថា ដីនៅតំបន់នោះ ជាដីកម្មសិទ្ធិរបស់រដ្ឋ ដែលបានផ្ដល់អោយក្រុមហ៊ុនធ្វើការវិនិយោគ ដាំ ដើមខ្លឹមច័ន្ទ កាហ្វេ ស្វាយចាន្ទី ដែលមានទំហំដីសរុប 7900 ហិកតា។

Share to let the other know the story too ចែក​រំលែក​ពត៌មាន​
Share